धनगढिके धनगढी नमूना प्राविधिक माध्यामिक  विद्यालयके कक्षा ११ मे भर्ना हूइल नवआगन्तुक विद्यार्थीहूकन स्वागत ओ अभिमुखीकरण कार्यक्रम आयोजना भब्य रुपमे सम्पन्न हूइल बाट । कार्यक्रममे विद्यार्थीहूकन विद्यालयके शैक्षिक वातावरण, अनुशासन, संस्कार ओ भविष्य निर्माणके विषयमे प्रेरणादायी सन्देश देहल बाटै ।  धनगढीस्थित धनगढी नमूना प्राविधिक माध्यामिक विद्यालय कार्यक्रममे विद्यार्थीहूकहे विद्यालयके शैक्षिक वातावरण, अनुशासन, संस्कार ओ भविष्य निर्माणके विषयमे प्रेरणादायी सन्देश देहल बाटै ।धनगढी नमूना प्राविधिक माध्यामिक  विद्यालयके कक्षा ११ के नयाँ विद्यार्थीहे स्वागत कर्ती विद्यालयके विशेष कार्यक्रम आयोजना करल  रहिट । कार्यक्रममे विद्यालय व्यवस्थापन समिति, शिक्षक, कर्मचारी, अभिभावक वडाध्यक्ष ओ विद्यार्थीहूकनके उल्लेख्य सहभागिता रहल रहिन । कार्यक्रमहे सम्बोधन कर्ती प्रमुख अतिथि विद्यार्थी जीवनमे अईना चुनौतीहे अवसरके रूपमे लेना आग्रह करले बाटै । उहाँ कलै जीवन यकदम सहज किल नैहोके हरेक दिन नयाँ चुनौती अइना ओ  अस्तके सिक्ती आघे बढ्ना जानकारी देहल बाटै । उहाँ दक्षिण अफ्रिकाके पूर्वराष्ट्रपति नेल्सन मण्डेलाके भनाइहे उधारण देति, कठिन समय सद्दे नैरहके ओजरार दिन लग्घे आइत कैके  विद्यार्थीहे संघर्षसे पाछे नैहत्ना  सन्देश देहल बातै ।
विद्यार्थीहे प्रेरणा देती उहाँ ढुंगासे भगवानके मूर्ति बन्ना उदाहरण प्रस्तुत करल बाटै । निरन्तर चोट ओ मेहनतपाछे एकथो ढुंगा सम्मानित मूर्तिमे परिणत हूइलजस्ते विद्यार्थीहे फे अनुशासन, परिश्रम ओ शिक्षकके मार्गदर्शनहे आत्मसात् कर्लेसे सफल भविष्य निर्माण करे सेक्ना उहाँके भनाइ रलीन ।कार्यक्रममे विद्यालय केवल शिक्षण संस्था नैहोके आपन गौरव ओ सांस्कृतिक धरोहरके रूपमे स्थापित कर्ती उत्कृष्ट शैक्षिक संस्था बनैना प्रतिबद्धता फे व्यक्त करल  रहिट। विद्यालयके कक्षा ११ ओ १२ के विद्यार्थीर्हे   गुणस्तरीय शिक्षा प्रदान कर्ती बोर्ड परीक्षामे उत्कृष्ट नतिजा लन्ना लक्ष्य धरल जानकारी देहल बातै । विद्यार्थीके सफलता नै विद्यालय, शिक्षक ओ अभिभावकके वास्तविक उपलब्धि हुइना वक्ताहूक्रे बताइल बातै । कार्यक्रममे नयाँ विद्यार्थीहुकन विद्यालयके परम्परा, संस्कार, अनुशासन ओ शैक्षिक मूल्य–मान्यता पालना कर्ती आघे बढ्ना आग्रह करल बातै । ओस्तेके, कार्यक्रममे विद्यार्थीहूक्रे गीत, गजल, कविता लगायतके सांस्कृतिक प्रस्तुति समेत देहल रलै । नयाँ विद्यार्थीहुकन स्वागत कर्ती कार्यक्रम उत्साहपूर्ण वातावरणमे सम्पन्न हूइल विद्यालय के प्रधानाध्यापक लक्ष्मण दत्त भत्त ज्यू जानकारी देहल बातै ।
विद्यालयहे नयाँ शैक्षिक सत्रमे विद्यार्थीके शैक्षिक ओ व्यक्तिगत विकासहे प्राथमिकतामे धर्ती आगामी दिनमे थप सिर्जनात्मक ओ शैक्षिक गतिविधि सञ्चालन  कर्ना जानकारी देहल बातै ।