ग्यास अभाव के कारण धनगढी उपमहानगरपालिकाके केन्द्रिकृत भान्सा घरमे खाजा तयार कर्ना समस्या हूइल बा । ग्यासकै अभावले बिहीवार भान्सा घरके खाजा नैबनल धनगढी उपमहानगरपालिकाके शिक्षा, युवा ओ खेलकुद महाशाखाहूक्रे जनाइल बाटै ।
महाशाखा प्रमुख घुम्मनसिंह बडायक बजारमे ग्यास नैपाके धनगढीके सामुदायिक विद्यालयके बालबालिकाहे बिहीवार खाजा तयार करल उपलब्ध करेलाग नसकिएको बताए।
धनगढी उपमहानगरपालिकाके केन्द्रिकृत भान्सा घरसे बजार क्षेत्रके सामुदायिक विद्यालयके करिब तीन हजार एक सय बालबालिकाहे दिवा खाजा उपलब्ध कर्ती आइल बा । बिहीवार ग्यास नैहोके खाजा तयार कर्के विद्यालयहूकन उपलब्ध करे नैसेकल भान्सा घरके गुणस्तर नियन्त्रक अधिकृत शेखर जोशी बतैल । उहाके अनुसार खाजा तयार कर्ना एक्के चोटी पाँच थो सिलिन्डर आवश्यक पर्ना तर आपनथे दुई सिलिन्डर कील बाँकी रहल खाजा तयार करे नैक्गील बतैल बाटै । 
जोशीके अनुसार बुधवार के दिन ग्यास फेन नैआइल सप्लायर्ससे ग्यास उपलब्ध नैहोके बिहीवारके खाजा तयार करे नैसेक्गील हो । भेन्डरसे बिहीवार १० बजे कील तीन सिलिन्डर ग्यास मिलल के कारण खाजा तयार कर्ना कम्तीमे पाँच घण्टा समय लग्ना होके बिहीवार खाजा तयार नैहूइल हो।
भान्सा घरसे विद्यालयमे १२ बजेभित्तर खाजा पुगाइपर्ना होके यी पटक खाजा तयार करे नैसेक्गील तर आगामी दिनमे ग्यासके अभाव हुइ नैदेहे लाग  व्यवस्था मिलैना जोशी बताइल बाटै ।