लुम्बिनी प्रदेशके मुख्यमन्त्री चेतनारायण आचार्यहे युवाहे उद्यम, उत्पादन ओ समाज रूपान्तरणके अभियानसँगे जोड्ना आवश्यक रहल बताइल बाटै । 
अन्तरराष्ट्रिय युवा दिवसके अवसरमे देहल शुभकामना सन्देशमे उहा युवाके ऊर्जा, क्षमता, सिर्जनशीलता ओ नवीन सोचहे सही दिशामे परिचालन कर्के समृद्ध ओ आत्मनिर्भर समाज निर्माण करे सेक्ना बताइल बाटै ।‘युवा रोजगारी खोजकर्ता किल नैहोके उद्यम ओ उत्पादनके नेतृत्वकर्ता बनैना नीति प्रदेश सरकारसे आघे सारल बाटै ।’ उहा कलै , ‘नवप्रवर्तन, स्टार्टअप, कृषि ओ उद्यमशीलताके नवीनतम योजना सञ्चालन कर्के युवाहे उत्पादन, रोजगारी ओ स्वरोजगारसँगे जोड्ना कार्यक्रम प्राथमिकतामे बा ।’युवाके उद्यमशीलता प्रवद्र्धनके लाग ब्याज अनुदानलगायतके प्रोत्साहनमूलक कार्यक्रमहे प्रदेश सरकारहे आघे बढाके बजेटमार्फत समेत सम्बोधन करल उहा बताइल बाटै ।