कञ्चनपुरम बितल चार वर्षमे सवारी दुर्घटनाके कारण १५४ जना ज्यान गुमाइल बातै । जिल्ला ट्राफिक कार्यालयके अनुसार आर्थिक वर्ष २०७९÷८० से हालसम्म सवारी दुर्घटनामे परी १५४ जना ज्यान गुमाइनाके साथै एक हजार ७८४ जना घाइते हूइल बाटै । जिल्ला ट्राफिक प्रहरी कार्यालयके प्रमुख एवं प्रहरी निरीक्षक बलेन्द्र नाथहे सवारी दुर्घटनामे बर्सेनि स्थानीय ज्यान गुमाइलै कैक पूर्व–पश्चिम राजमार्गमे बढी दुर्घटना हूइती बाट । सवारी चलाइबेर सचेत रहपर्ना जोड देहल बाटै ।
“ट्राफिक जानकारीसहित सचेतना फे फैलैती रना ”, उहा  कलैे, “मोटरसाइकल ओ स्कुटर दुर्घटनामे ज्यादा से मनै ज्यान गुमाइल बाटै । ” उहाँ भारी सवारीसाधन दुर्घटना न्यून रलेसे फे छोती सवारीके दुर्घटना बढी  हूइना  करल बाट । प्रहरी निरीक्षक नाथ पछिल्लो सडक जाँच बढइना । मादक पदार्थ सेवक कर्के सवारी चलइना सङ्ख्यामे कमी आइल बटैलै ।
“दैनिकजस्ते रातके १२ः०० बजेसम्म जाँच हुइना”,उहा कलै,“बजार क्षेत्रसे राजमार्गके विभिन्न स्थानमे जाँच नियमित हुइत ।” उहा तीव्र गतिके कारण अधकिांश दुर्घटना हुइना जानकारी देहेल बाटै । कञ्चनपुरमे आव २०७९÷८० म सवारी दुर्घटनासे ४३ जनाके मृत्यु ओ ५९ जना घाइते हूइल ट्राफिक कार्यालयके तथ्याङ्कमे देखाइल बाट । आव २०८०÷८१ मे ३२ जनाके मृत्यु ओ ७४ घाइते, आव २०८१÷८२ मे ३८ के मत्यु ओ ७७३ जना घाइते हूइल ट्राफिक प्रहरी जानकारी देहल बातै ।