कैलालीके पाँच अस्पतालहे कानुनी मापदण्ड पूरा नैकैके स्वास्थ्य सेवा सञ्चालन करल पइले बाटै । स्वास्थ्य कार्यालय कैलालीसे करल अनुगमनके क्रममे अत्तरियास्थित दोगडा सामुदायिक अस्पतालहे इजाजतपत्र नवीकरण नैकैके सेवा देतिरहल, पद्यमे अस्पतालहे इजाजतबिना प्रयोगशाला सञ्चालन कर्तीरहल, ओ अत्तरिया हस्पिटलहे आवश्यक स्वीकृतिबिना कार्डियाक क्याथेटराइजेसन (क्याथ ल्याब) सेवा सञ्चालन हूइल पाइगील बाट । यस्तेक, धनगढीस्थित नोभा हस्पिटलसे आइसियू सेवा सञ्चालन नरल ओ केजी अस्पतालहे यूरोलोजी सेवा सञ्चालन करल पाइल बाटै ।
स्वास्थ्य कार्यालयके अनुसार १५ शय्यामे सञ्चालित दोगडा सामुदायिक अस्पतालके इजाजतपत्रके म्याद ओराइल बाट । इजाजतपत्र नवीकरण नैकर्के सेवा सञ्चालन कर्ती रहल पाइल पाछे गोदावरी नगरपालिकाहे अस्पतालके सेवा तत्काल रोक्ना निर्देशन देहल बाटै ।
स्वास्थ्य कार्यालय कैलालीके निजी स्वास्थ्य संस्था अनुगमन संयोजक सूर्य विष्टहे नगरपालिकासे जारी हूइल अस्पतालके इजाजतपत्रके म्याद ओराइल मिलल पाछे तत्काल सेवा बन्द कर्ना निर्देशन देहल बताइल बाटै । उहाके अनुसार इजाजतपत्रके म्याद ओराके अस्पतालहे स्वास्थ्य सेवा सञ्चालन करे नैमिल्ना । इजाजतपत्र लेके नवीकरण कर्ना कैके सेवा सञ्चालन करे सेक्जैना बाट ।
यस्तेक, अत्तरियास्थित ५० शय्याके पद्यमे अस्पतालहे समेत आवश्यक इजाजत नैलेके प्रयोगशाला सञ्चालन कर्ती रहल पाइल बाटै ।अनुगमनके क्रममे इजाजतबिना ल्याब सञ्चालन करल मिल्के ओकर पाछे आवश्यक कारबाहीके लाग स्वास्थ्य निर्देशनालयहे सिफारिस करल विष्टहे जानकारी देहेल बाटै ।
यकर आघे अत्तरियाके अत्तरिया हस्पिटलहे समेत कानुनी मापदण्ड पूरा नैकर्के क्याथ ल्याब सञ्चालन करल पाइल रहे । स्वास्थ्य कार्यालयहे अनुगमनपाछे कारबाहीके लाग स्वास्थ्य निर्देशनालयहे पत्राचार करल बाटै । 
अत्तरिया हस्पिटलहे सुदूरपश्चिम प्रदेशमै पहिलोपटक मुटुसम्बन्धी उपचार सेवा सञ्चालन करल दाबी कर्ती आइल बाट । तर, स्वास्थ्य

कार्यालयके अनुगमनमे अस्पतालहे सरकारहूक्रे तोकल  मापदण्ड पूरा नैकर्के क्याथ ल्याब सञ्चालन करल खुलल बाट । स्वास्थ्य कार्यालयके अनुसार १०० शय्यामे सञ्चालित अत्तरिया हस्पिटलहे हाल जनरल अस्पतालके रूपमे सञ्चालनके अनुमति लेहल बाटै । जनरल अस्पतालके स्वीकृतिसे क्याथ ल्याब सेवा सञ्चालन करे नैपैना । जनस्वास्थ्य सेवा नियमावली, २०७७ के अनुसूची–७ अनुसार क्याथ ल्याब सेवा सञ्चालनके लाग १०० शय्याके विशेषज्ञ अस्पताल हूइपर्ना व्यवस्था बाट । जनरल अस्पतालके स्वीकृति लेके विशेषज्ञ अस्पतालहे किल प्रदान करे पैना सेवा सञ्चालन करे पर्ना कानुनी मापदण्डविपरीत हूइना स्वास्थ्य कार्यालयहूक्रे जानकारी देहल बाटै । हालके स्वीकृतिअनुसार अत्तरिया हस्पिटलहे जनरल फिजिसियन, जनरल सर्जरी, स्त्रीरोग ओ प्रसूति, बालरोग ओ शिशु सेवासहित १२ प्रकारके स्वास्थ्य सेवा किल सञ्चालन करे पैना स्वास्थ्य कार्यालयके भनाइ बाटिन् ।स्वास्थ्य कार्यालयके निजी स्वास्थ्य संस्था अनुगमन संयोजक विष्टके अनुसार गत २२ साउनमे करल अनुगमनके क्रममे अत्तरिया हस्पिटलहे गैरकानुनी रूपमे क्याथ ल्याब सञ्चालन कर्ती रहल मिलल बाट । कारबाहीके लाग स्वास्थ्य निर्देशनालयहे पत्राचार हूइल ओ अब्बीहीके प्रक्रिया निर्देशनालयहे आघे बढैना उहा बतैलै ।
अस्तेके, धनगढीस्थित नोभा अस्पताल १५ शय्याके होके फेन आइसियू सेवा सञ्चालन कर्ती आइल रहे । स्वास्थ्य कार्यालयके निर्देशनपाछे अबेही आइसियू सेवा बन्द करल बाट । अस्तके, धनगढी चौराहास्थित केजी हस्पिटलहे स्पष्टिकरण पूछल बाटै । अस्पतालहे सेवा सञ्चालन, जनशक्ति ओ कार्य सम्झौताके कागजपत्र उपलब्ध करेलाग स्वास्थ्य कार्यालयहे स्पष्टिकरण पूछल बाट । 

साउन २२ गते केजी अस्पतालमे मृगौलाके शल्यक्रिया करल ५० वर्षके एक महिलाके मृत्यु होके स्वास्थ्य कार्यालयहे सो विषयमे थप अनुसन्धान ओ कारबाही प्रक्रिया आगे बढैना अस्पतालहे स्पष्टिकरण पूछके जनैल बाट ।

कैलालीमे जनस्वास्थ्य ऐन ओ नियमावली ओ विद्यमान स्वास्थ्य सम्बन्धी सरकारहे तयार करल मापदण्डके उल्लंघन कर्ती निजी स्वास्थ्य संस्थाहरूहे इजाजत नै नैलेके विभिन्न स्वास्थ्य सेवा प्रदान कर्ती आइल गुनासो बढे लागल बाट ।